الغاز محلولة

1

انشد ك عن رجلا اخذ من البيض ثنتين

يرقد بينهن وكلا يشوفه

لا اخذهن بدعه ولا اخذهن على الدين

والكاف لتوضيح اول حروفه

واظن عــــــاشق وضحـه لكــم زين

والذكي منكم ماضني يطوفــه

الجواب (( ورقة الكربون ))

------------------------------------------------------------------------------------

2

يا ويش شيخا كل همه ركوع وسجود

جسمه نحيل ودمع عينه جاري

ملازماللخمس والناس في هذا شهود

يعمل طوال العمر في خدمة الباري

الجواب (( القــــــــلم ))

-----------------------------------------------------------------------------------

3

ويش رجلا يندبونه في المواقف الخطيره

والمعارك خاضها والبطن مليان اطعونه

جاء منها بالغنيمه ياعسى في الامر خيره

هو جزاء من خاض بالميدان قاموا ينطلونه

الجواب ((القــصـد يــــــــــــر ))

----------------------------------------------------------------------------------

4

انشدك عن شي وجوده ولا شي

يفزع الياحس الزعيم باهلا كي

ينقـذ الزعيـم اذا مر في موقف سي

اليا شارف للخطر والهلا كي

الجواب (( العرق الحتياطي في ساق النسان ))

-----------------------------------------------------------------------------

5

انشدك عن غذرى باسم رجال

لو يجتمع كل البشر ماقدرها

حراسها رجلين ماهم عقال

لا كن لا يمكن تعدى اديرهـــا

الجواب ((الجـــــــــدي))

--------------------------------------------------------------------------

6

انشدك عن رجلا كبيرا مقـــامـــــه

يامر وينهى دون رجلين ويدين

احيان الناس تبغى منه السلا مــــه

تمشي في دربه في جميع الميادين

الجواب (( التقويم ))

-------------------------------------------------------------------------

7

انشد ك عن غذرى ضعيفا جسدهـــا

محشومة بين الرجال المناعير

ترد سلفان كثيرا عــــــد دهـــــــا

تردهم اذا نوو المحا د يــــــــر

الجواب ((ليـفة الد له ))

-------------------------------------------------------------------------------

8

سيــــــف سحبتــــــــه يا فتـــــــى في يميـــني

واليا سحبتــــــه تعجبــــــك لمحة إضواه

عـــده على الخطـــــــار والغانــــــميـــني

تراء صعبة ردة الســــــيف بخــــــاه

الجواب (( حليــــــــب الناقــــــــه ))

------------------------------------------------------------------------------

9

انشد ك من غمرا شبــــــابه اسبوعيــــــن

وبعــــــد اسبوعـــــــين ينثنــــــي شايـــــب

وكلا يحبـــــــه غيـــــر طلا بة الد يـــن

ومد وره الا فـــــاق فـــــــوق النجايـــــــب

الجواب ((القمـــــــر ))

-------------------------------------------------------------------------

10

انشد ك عن رجال من دون رجليـــن

وله عنـــــد الناس قـــد ر وشـــــــيمه

اسرع من الها تف ومن ارماشة العين

ولا هو ظالم ولا يحب الظلـــــيمه

الجواب (( ملك المــــــوت ))

-----------------------------------------------------------------------------

11

ويــــــش شــــــي يرهزاك

يرهز امــــــك من وراك

ان تقدم عقب الـــــــدم

وان تــــــاخر يا بـــــلاك

الجواب (( الضـــــرس ))

-----------------------------------------------------------------------------

12

انشد ك عن عــــــذرى لهـــــا رجليـــــن

رجل يجامعــــــها ورجل يناظــــــرها

الي يجامعهـــــــا يضغط عليها زيــــــن

والي يناظرهــا يعلمك بسرايــــــرهــــــا

الجواب (( الكفرــ و اعيار الهواء ))

---------------------------------------------------------------------------

13

انشد ك عن ثنتين في موقع الياس

الله خلقهن في الاوادم علامه

لاهن ولد جن ولاهن ولد ناس

من رافقنه ماتشيله اعظامـــــــه

الجواب (( نصايب القبر ))

------------------------------------------------------------------------

14

وش لك من عذرى تستر الناس

والناس تعشقها ولاهي عشاقه

ماتاخذ الى من توده وبقياس

كمواحدا جاها وانحاش من غثاها

الجواب ((البدله العسكريه ))

------------------------------------------------------------------------

15

ياويش شي فيه خمسة رياجيل

لاانس ولاجان ولاهن بضاعه

اولهم اليا مات باقي بهم جيل

صاروا ثمان كلهم جما عه

الجواب ((اسم عثمان ))

-------------------------------------------------------------------------

16

ابنشدك عن شايب في وسط صندوق

يعطي اعياله كل مادار راسه

لهم على الشايب مطاليب واحقوق

وبتوزيع عيشتهم يذوق التعا سه

الجواب ((الديلكو ))

------------------------------------------------------------------------------

17

انشدك عن عذرى رقيقة حال

لها في كل الامر سريه

عذرى لجيل يعقب اجيال

بامر من الوالي رب البريه

الجواب ((الوصيه ))

----------------------------------------------------------------------------

18

ويــــــش شايــــــب يدينـــــه في امتونه

لامسكله صيدة مايجيه الى اعياله

يسهر اليل الطويل ولاتحقق في اعيونه

وان نصاه المعتدي ياقف على احياله

الجواب ((القفل ))

----------------------------------------------------------------------------

19

ياويشرجلا مع الناس موجود

عجزوا عنه موسى وعيسى وداوود

وعجزوا عنه شيخان نجد هل الجود

وكل الاوادم مالقوله طريقه

الجواب (( القد ر ))

----------------------------------------------------------------------------

20

يامن حكم غيابي بلاعدام

ذكاه حطم دولة مستقله

لازال تلقاه البشر بعض الايام

مات الحكيم والمتهم في محله

الجواب ((هدهد سليمان عليه السلام ))

--------------------------------------------------------------------------------------

21

الاياويش عذرى ماملكها بلوطى مخلوق

ولاضنيت يملكها بعد رجله ثاني

ملكها واحد له مسكنا عند البشر مرموق

وبعد موته بقت ماعاشرت افلان وافلاني

الجواب ((ريح سليمان عليه السلام ))

---------------------------------------------------------------------------------

22

ياويش رجلا يمشي الليل كله

جاه الضحى من ماقفه مامشى بوع

في صوح لوح مايغادر محله

تلقى جوابه على القراطيس مطبوع

الجواب ((عداد الكهرب))

-------------------------------------------------------------------------

23

انشدك عن اغلام من دون تفصيل

يلقح لقاح ماتمسه جنابه

حرام لاكن حل عقب الغرابيل

معروف في عصر النبي والصحاب

الجواب ((الصميل ))

-----------------------------------------------------------------------------

24

يالي تحل الغز مليان لك انت

رجلا فهيم للمعاني تحلي

انشدك وش بنت تعلت على بنت

ورجالهن من فوقهن مستقلي

الجواب ((الطاقيه والغتره والعقال ))

---------------------------------------------------------------------------------

25

انشدك عن عذرى طويلا جعدها

ماهيب جنيه ولامن الناس

تضرب بسيف ماتشيله بيدها

سيف لمنه ورد قطع الياس

الجواب (( الحيه ))

----------------------------------------------------------------------------

26

ميت مات بشلشه

جاه الحي وانبشه

قام عليه الميت واكبشه

الجواب ((المحباله ))

--------------------------------------------------------------------------

27

ويش شي على احجره

الشر في بطنه والخير في اظهره

الجواب ((الصاج ))

----------------------------------------------------------------------------------

28

انشدك عن عذرى عصاها في ظهرها

والمعنتر في شخلها

والناس تاكل من بعرها

الجواب ((الرحاء ))

-----------------------------------------------------------------------------

29

انشدك عن بنت ترضع امها

لماتت البنت مال امها وجود

يافكرتي من بنت ما احدا ذمها

اقولها وانا عاشق عريب الجدود

الجواب (( البويبينه ))

-----------------------------------------------------------------------------

30

انشدك عن حي ينقله ميت

ولامشى الحي صاح الميت

الجواب (( الجرس ))

--------------------------------------------------------------------------

31

انشدك عن رجل كريه وله ثلاث سنون

لاطاحة اسنونه جن لو مايدخله جني

وكلا يكرهه ولكنوقت اللزمه له مضمون

ورد ذكره بايات في كتاب الله يتلني

الجواب((السجن ))

------------------------------------------------------------------------------------

32

ياويش بنت مالها مذهب ولا مله

بنت شهرها لك الله فعلها الرايع

فرقت بين التشابه كيف بسم الله

والي عشقها عن دروب السنع ضايع

الجواب ((البوصله ))

----------------------------------------------------------------------------------------

33

اسمعوا يالي تحلون الاغاز

لغز على شان النشامه نعده

ياويش بنت دوم ماتشرب القاز

والي طلع منها لهلها ترده

في وسط ورع دوم هماز لماز

ورع يكد البنت وهي تكده

الجواب ((شريحه الجوال ))

----------------------------------------------------------------------------------------

34

انشدك الي يفهمون الامعاني

الي لهم في حل الاغاز عاده

عن اخوة لهم مقام وشاني

ولهم في كل العروبه سياده

ان غاب واحد يشغله مكاني

وان زدتهم مايقبلون الزياده

الجواب ((حروف الهجاء ))

----------------------------------------------------------------------------------

35

انشدك عن ورع لبنت قديمه

شايل على ظهره وريعا مسيكين

البنت من دونه تراها عقيمه

ياقف على ثنتين والناس دارين

الجواب ((قوس الربابه ))

----------------------------------------------------------------------------

36

انشدك عن واحدا ذباح

عند العرب دايم غالي

يذبح خويه من دون السلاح

وفي النفس فنه ما زالي

الجواب ((النوم ))

---------------------------------------------------------------------------

37

ياجماعه جبت انا الغز من خمسة حروف

ومن ورد بالحل وعجل ذا شخص فهيم

وش بنت من قشرها غمضه ماتشوف

لو تشوف اشوي تجمح وصار الي يصير

الجواب (( القنبله ))

--------------------------------------------------------------------------------

38

انا انشد وانشد عن ذهيبه خفية اذكاره

وهو لجاء مسيرجاب خيره وشره يمشيبه

ولاله ديرتا تعرف ويقضي الوقت بسفار

وناس ماتبي شوفه وناس لجاء تهليبه

الجواب (( الجراد ))

--------------------------------------------------------------------------------

39

ياويش رجلا حط في بطنه بنات

وكفن وطب القبر والعالم تشوف

الرجل حازم والبنات محكمات

والجنس مثل الجنس والرجل معروف

ونه مخلد لا حياة ولاممات

ولابد يبعث وييبعث معه خوف

الجواب (( الرصاص _والسعف _والرشاش))

----------------------------------------------------------------------------

40

انا بنشدك عن بنت مسكنها وسط بنت

وعذاب من هي ساكنه في حشاها

تمشي في بطن امها والمشي بصمت

وعذاب للمها وتقطعها من نماها

الجواب (( سوسة النخله ))

----------------------------------------------------------------------------

41

ياويش شي بلا روح

يمشي قدم ويحقق اهدافه

لفكه الله من الساموح

يقضي اللزوم وعمه اخلافه

الجواب (( المنظار ))

--------------------------------------------------------------------------

42

انشدك عن ذودين صفرا ومجاهيم

وفيهن قعيدتهن وفيهن فحلهن

يسوقهن ربعا على الورد شفقين

والي يوردهن لعده كسبهن

الجواب (( حبوب الكيرم ))

-------------------------------------------------------------------------------

43

انشدك عن عذرى تزوجها غشيم

وعند اهل العلم جيزتها حرام

بناتها عشرين يلقاها الفهيم

واذا اخذها الرجل راحت عدام

الجواب (( بكت الدخان ))

---------------------------------------------------------------------------------

44

انشدك عن ورع حكمله خلق

حكمه في للحظه صدر فيهم

ناس في حكمه حرقهم حرق

وناس تعلت مراقيهم

الجواب (( هدف الذهبي ))

-------------------------------------------------------------------------------

45

انشدك عن بنت فيها الخير والشر

موجوده منذا العصور القديمه

تظربها الامثال وبطيب تذكر

واخر حياة البنت صارت عديمه

الجواب (( النار ))

----------------------------------------------------------------------------------

46

انشدك عن بنت جميله

تجامع دايم في حضن ابوها

ركبها واحدا تسمع صهيله

وجوا الجيران لكن ماحموها

الجواب (( منارة المسجد ))

---------------------------------------------------------------------------------------

47

انشدك عن رجلا عنوله مداوير

والكل وده بسرع الوقت يلقاه

ولهم بلاجات الروابع مناعير

ومن الغريبه من عثر فيه خلاه

الجواب (( الغز ))

----------------------------------------------------------------------------

48

انشدك عن طيرا ولافيه جنحان

اسرع من البرق والي ذكر مسيره

في ساعته يوصلك لندن وعمان

وفي للحظه ياصل جميع الجزيره

الجواب (( الهاجوس ))

---------------------------------------------------------------------------

49

انشدك عن ثلاثه اجياد

اصايل البعد جابنه

الناس تفنى وهن اجداد

واذا زعلن على الحي ما ارضنه

الجواب (( الطلاق ))

-------------------------------------------------------------------------------

50

سمي خلي بين الايام ساعه

بين النهار وبين ساعه من الليل

والاسم الاخر عند راعي الفلاحه

يبغى البنات ولايبغى الطول الجيل

الجواب (( نجمه ))

---------------------------------------------------------------------------

51

ويش انحيف ارقبته طويله

نهدف على قدام واراس مجدور

اعزب من العزاب ماله حليله

واصبح سميه في البلاد مشهور

الجواب ((الدش الماء ))

------------------------------------------------------------------------

52

انشدك عن رجلا يعلق بساقيه

وراسه على سلةى الخطر مايخافي

وفيه النفس وجماد باقيه

مسكين جلده مايضفي على جسمه الضافي

الجواب (( المنفاخ النار ))

-------------------------------------------------------------------------------

53

انشدك عن رجلا علينا طريقه

احدا يرحبه ويخوف اليا جاه

واحدا يتهرب عنه وانكر رفيقه

صعب عليك الطيب من عقب ملفاه

الجواب (( الشيب ))

--------------------------------------------------------------------------------

54

انشدك عن عذرى تخيف ولا تخافي

عند بعض الناس دايم ماتغيب

وان سئلها والي يبي كشف الخوافي

تفضحه ولو كان امره عجيب

الجواب (( البصمه ))

----------------------------------------------------------------------------------------

55

انشدك عن رجلا سريع اذا جاك

رجلا لمنك دعيته يجيلك

يفهم هدفك ثم يعرف نواياك

يقبض عليك ثم يخلي سفيرك

الجواب (( اللفت او المصعد الكهربائي ))

-----------------------------------------------------------------------------------------

56

انشدك عن رجال يمشي قدام وورى

مستمر في التقدم وارجوع

مايخاف لو يقابل عنترى

خلقه الله لا عيون ولاسموع

الجواب (( المنشار ))

---------------------------------------------------------------------------------------------

57

انشدك عن رجلا ركب خامس الخمس

بطنه كبير ولايذوق الطعامي

ماسئل عن ظل ولا سئل عن شمس

وان طب في بحر الهيام مايهامي

الجواب (( الخاتم ))

---------------------------------------------------------------------------------------

58

وش لك من رجال في الخير مملوح

طبعه كريم وانساء مايحبنه

وياكم صبر من مره ومامعه روح

بسبايب ورعه والبني عذبنه

الجواب (( انجر ))

------------------------------------------------------------------------------------

59

انشدك عن عذرى لها مستوى زين

عشاقها واجد وبكل النواحي

من شانها العالم يروحون قسمين

وكلا يطنب فوقها بصياحي

بنت اليا طبت بخطوة الميادين

من حرصهم صكوا فوقها بسلاحي

الجواب (( الكورة ))

---------------------------------------------------------------------------------------

60

انشدك عن رجلا تنسم بلا روح

من خلقته الدنيا ء وكلا يشوفه

في كتاب ربي ناجده وسط الوح

شكله غريب عاجزات وصوفه

الجواب (( الصبح ))

----------------------------------------------------------------------------

---------------------------------------------------------------------------